Framsida

Råd ved kjøp av landevegssykkel

Når ein skal kjøpa landevegssykkel til born og unge, er det ein del reglar som er viktige å
hugsa på.
Dei viktigaste er:

• Girutveksling
  Den enklaste måten å finna ut kor tungt gir ein har lov til å ha er som følgjer.
  Ein tel talet på tenner på det største tannhjulet framme og det minste bak.
  For aldersgruppa til og med 14 år, skal ein ha 50 tenner framme og 16 tenner bak.
  For aldersgruppa 15-16 år skal ein ha 47 tenner framme og 14 tenner bak.
  For aldersgruppa 17-18 år skal ein ha 52 tenner framme og 14 tenner bak.
   
• Vekt
  For aldersgruppa opp til og med 16 år skal sykkel minst vega 8 kg.
  For dei rimelegaste syklane er ikkje det noko problem. Men kjøper ein brukt
  sykkel, kan ein risikera å få ein som er for lett.

I tillegg er det ein del andre reglar som me ikkje går inn på her.
Det er berre fint om ein tek kontakt med Dagfinn og bed om råd dersom ein skal kjøpa ny sykkel.
Ein standard sykkel som står i butikkane, har som regel senior girutveksling. Dersom
ein seinare vil vera med i ritt, får ein ein unødvendig kostnad med å skifta ut tannhjul.
Bed ein om dette når ein kjøper sykkelen, får ein det oftast kostnadsfritt, eller i alle fall mykje billegare
enn om ein må skifta i ettertid.

IF Klypetussen Sykkel har samarbeidsavtalar med Sport1 Etne og Bike-Brothers på Raglamyr.
Her vil medlemmer få rabatt på kjøp av syklar og utstyr.